الإنتحار بيبدأ بفكرة

اتقابلت وشفت ناس كتير، من بداية عملي كطبيب نفسي، بيفكروا ويحاولوا ويستمتعوا بأذى النفس لأغراض مختلفة، ففيهم اللي قال عايز حد يبصلي ويهتم بيا وفيهم اللي عايز يعيش ضحية ويأثر وسيسطر على اللي حواليه واللي كره حياته وقدامه سواد وضلمة ويأس واتدمّر لدرجة ان مفيش قدامه اي نور او امل او رجا وفيهم اللي بيتلذذ ويفرح لما يشوف دم او يتألم فيستمتع،
وفي رأيي التحليلي البسيط ان الإنتحار suicide بيبدأ بفكرة وبيتنفذ بنفس الفكرة، الفكرة مالية قلب المكتئب المحبط المتشائم بعد ألم او ذنب كبير مرّ بيه او ارتكبه، بجانب اضطرابات كيميائية العلم بيبحث فيها، وقلبه وذهنه وعقله وكيانه مش شايف حد يشيل معاه الهم ده او حد يسلمله ويثق فيه او حد يتمسك بيه ويكون رجاءه فيه او حد يطبطب ويعزي ويطمن او حد يفهمه اللي بيحصل معاه هدفه وسببه والقصد منه ايه او حد اتألم واحتمل ومر بأقسى الالام والمعاناة زيه او حد هايغير ويحاسب بعدالة ودينونة ويفدي كل اذى وجرح وحزن و وجع او حد هايعوض وينسى معاه تعبه. كل ده هو دور الإيمان الحقيقي اللي فيه باصدّق إلهي وباستنى وعوده وباعرف محدوديتي وجهلي قدام مقاصده واعماله وباطلبه في وقت الضيق وباروحله وانا كلي خطيك وباحط عيني عليه بس وبافهم وباعرف من كلامه ليه في فساد وشر وظلم في الارض وباعرف ايه اللي جاي بكرة معاه، البداية بفكرك بتبدأ بإحباط فمتستسلمش واجري على المسيح ابو الرأفة وإله كل تعزية اللي هيردّ نفسك، احفظ فكري وقلبي يارب!
مش دوري احكم على حد او اعرف هو رايح فين لكن دي نظرة تحليلية ايمانية. المسيح قام!