المستقبل المجهول

بعد ماتخلص مرحلة وتبقى داخل على مرحلة مهمة ودقيقة "منعطف تاريخي يعني"، بتبقى متحير وبتتعب من التفكير وبتدوخ من اراء الناس وافكارهم واقتراحاتهم حتى لو بيحبوك، ومش كافي انك تمشي ورا مشاعرك، ولا بس تاخدها بالعقل و الورقة والقلم، وماتحاولش تقلد حد لانك انسان فريد ومبدع، واوعى يكون مفهومك عن النجاح هو مجرد هجرة لمكان او ربح مادي، واوعى يكون موضوع الجواز بالنسبالك سنة حياة وصالونات وبمقاييس جمال الشكل وسمعة العيلة ونصايح اللي حواليك حتى لو كانت عن حب واهتمام، وبلاش تتسرع وتعاند في خطواتك المستقبلية  كفاية تشتت وتوهان وحيرة وتمركز حول الذات.
اعمل اللي عليك، ماتهتمش بالغد، اسعى للنجاح الروحي والعملي، الغنى الحقيقي انك تكون طموح ومكتفي وتغني كثيرين، النجاح الحقيقي هو انك تحقق وتعيش الغرض اللي اتخلقت من أجله، الفرح والسلام الإلهي هي كنوز لا تعوض لكل اللي تبعوا ربنا وسلموله حياتهم ومايشتريهاش مال ولا دهب ولا فضة، الصيت افضل من الغنى، محبة المال أصل لكل الشرور، ماذا تنتفع لو ربحت العالم كله وخسرت نفسك، الحياة قصيرة فاشتري الوقت، الموت حقيقة وقريب من اي واحد، كل حاجة مش مضمونة وبتنتهي، الانسان مش مجرد جسد مادي لا في نفس يعني ارادة وفكر ومشاعر و روح بتبحث عن ربنا وبتتعلق بيه. بلاش تجري ورا سراب. عيش وعندك رسالة. عيش وعندك قضية بتعيش وتموت لأجلها. عيش و دور ع الحق وافعل الخير وانشر السلام ونادي بالعدل وبشر بالنور. ماتفكرش بس في نفسك وماتنشغلش بالظروف. حياتك غالية. الله بيعمل كل حاجة لخيرك وهو الضامن للمستقبل الافضل. حيث قادني أسير.
#المستقبل