مؤمن هوائي ! - سام

مؤمن هوائي !

يعني ايه ؟؟!!

يعني " مؤمن مزاجي ! "

برده مش فاهم!

ببساطة اقرا معايا الاية دي و هاتفهم جزء من المعنى ,,

كَيْ لاَ نَكُونَ فِي مَا بَعْدُ أَطْفَالاً مُضْطَرِبِينَ وَمَحْمُولِينَ بِكُلِّ رِيحِ تَعْلِيمٍ، بِحِيلَةِ النَّاسِ، بِمَكْرٍ إِلَى مَكِيدَةِ الضَّلاَلِ – ( أفسس 4 : 14 )
الاية جاية بصورة اوضح في لغة الاصل اليونانية بمعنى/

 " فلا نبقى اطفالاً تتقاذفهم امواج المذاهب و تميل بهم كل ريح فيخدعهم الناس و يقودونهم بالحيلة الى الضلال"

نوعية غريبة من المؤمنين منتشرة فيما بينّا , وصفها باختصار: سمّيعة – ماشيين على هواهم – متقلبي المزاج – ساعة فوق و ساعة تحت – ماعندهمش مبدأ ثابت و كلامهم متغيّر دايماً – مالهمش كنيسة محليّة واحدة – مش مركزين في حاجة واحدة – متشتتين – ضعفا روحياً

على فكرة, انا مش في دماغي حد و انا باكتب الكلام ده, انا بس باقوله عشان ناخد بالنا و نطلب رحمة ربنا و انه يعالجنا سريعاً من المشكلة دي لو هي عندنا

افتكروا الجملة دي في الاخر:

انا مؤمن حقيقي, يعني انا شهادة للمسيح هنا ع الارض, مش هاعيش على هوايا و على مزاجي, انا ليّ مبدأ ثابت, انا ليّ كنيسة محليّة واحدة فيها خدمتي و بنائي على التعليم الصحيح اللي مصدره الأوحد كلمة الله , انا مش هاعيش متشتت و بارضي كل الناس , انا عايز ارضي ربنا في كل افعالي و تصرفاتي و اقوالي و اركّز في الهدف الاوحد و الاسمى ليّ هنا و هو تمجيد ربنا .

ليعالجنا و يرحمنا الله

سام

Samfikry.com