فيك بالقى السلام
يارئيس السلام
رغم الظروف الصعبة
و في وسط الالام
فيك بالقى الراحة
و فرحي فيك علطول
يا عزايا في البرية
مهما شقاها بيطول
فيك بالقى النجاح
و البركة و الفلاح
و طول ما انت معايا
عايش دايماً افراح
فيك بالقى النصرة
بعد الوقعة و الكسرة
فيك بالقى السعادة
في وقت الضيق و الحسرة
فيك بالقى الشبع
رغم الفقر و الجوع
يا مسددلي احتياجاتي
انا بيك مكتفي و قنوع
فيك بالقى الضمان
على كل اللي جاي
اعطتني حياة ابدية
علمني اعيشها ازاي
فيك بالقى الكرامة
و قيمتي هي فيك
ما انت فديتني و حبتني
و غالي يارب عليك
فيك بالقى احتياجاتي
مانت ابويا الحنون
يا سامع ليا صلاتي
في الفرح و الشجون
فيك بالقى الحنان
بتاخدني بالاحضان
و بتسندني بوعودك
و عمري ما باكون قلقان
انا جاي باقولك شكراً
يا الهي يا منان
مديونلك يا راعيا
وهاعيشلك بالايمان
و حدك ليك السلطان
يا ابويا يا حنان
و حدك ليك بس حياتي
يا صاحب الاحسان
صمويل طلعت فكري
ســــــــــــــام
23 - 8 - 2011
تعليقات
إرسال تعليق
شاركني تعليقك و رأيك فيما قرأت , رأيك مهم جدا I need your Comment!