مش بس عيد
لاله مجيد
مش بس مناسبة
و لبس جديد
مش بس تهاني
و برقيات
ولا افراح
بتدوم لساعات
مش بس عادات
اتعودنا عليها
او مسلمات
سلمنا ليها
مش بس يوم
من الايام
و يعدي علينا
و السلام
مش بس كعك
و بسكويت
و لا اكلات
معموله بالعبيط
مش بس هدايا
وعيديات
و زيارة الاهالي
و مجاملات
ده عيد خاص
عيد القيامة
قام المسيح
و حياتنا علامة
حياتنا ديا
شهادة ليه
عن موته و قيامته
دي مش ترفيه
قام و بررنا
بقيامته انتصرنا
على كل اكاذيب
و خطايا بتكدرنا
قام و فرحنا
و في قيامته شرفنا
و صعد بعدها لسماه
و قريب هاييجي و ياخدنا
قام الهنا الحي
و محا كل ظلام
و شوفنا النور الضي
و اعطانا السلام
قام بيقاتل عنا
حتى واحنا صامتين
دايما بينصفنا
لو كنا مظلومين
قام و يقدر انه
يقوم كل الاموات
و يحرر كل مستعبد
للمعاصي و الشهوات
قام و يقدر انه يبرر
كل خاطي و المجرمين
و كل تعبان و حيران
يطمنه م كل انين
قام و يقدر ان يخلص
كل خاطي يرجع ليه
بتوبه حقيقية لو يصرخله
"ارحمني" و يؤمن بيه
قام قام قام
المسيح قام
قام و حي و قادر
حبه لينا ما كانش كلام
تعليقات
إرسال تعليق
شاركني تعليقك و رأيك فيما قرأت , رأيك مهم جدا I need your Comment!