حتى لو الهم و الحزن ابتلونا
و الناس بتظلمنا و ف الدنيا كلونا
و الكل قاسي و الشراسة ف دمهم
و لا في أمان و لا محبة .. مابيرحمونا
الكل عايز مصلحته ولنفسه بس
و يهمه لقمة عيشة و لا بغيره يحس
و وقته ده ملكه و مابيعطيه لربه
و فاكر انه مابيشوفهوش ف الخفا . بيدس
الكل عايز يتسلط على غيره
و بيحسد اللي عايش لفرحه و خيره
و وقته كله للنميمة و الخصومات
و مافيش رحمة ده كله مات ضميره
الناس مش عاملة حساب لله خالقها
مع انه كرمها و عملها هو بارئها
و لا في فكرهم انهم يعبدوه بالحق
بيفضلوا الحياة بتعبها و عرقها
فكر ارهابي ف دمهم و قتالين
و كأنهم في القتل و الخراب ده متخصصين
مفترسين و للدمار مخططين
دول بصراحة مش بني ادمين .. و شياطين
الكل بيظلم و يرشي و حقوقنا ضايعة
و الناس بتسرق و ف سلوكها حرة و مايعة
و لا يهمهم حد . حتى أهلهم
دي ناس خبيثة و مكارين و خاينة و بايعة
بس انا مش قلقان على كل اللي جاي
ده انا مسلمه لربي و ف ايده مضمون
انا ملكه و ابنه من صغري و صباي
مافيش مخاوف جوايا ولا شكوك و ظنون
ده هو وعدني انه مش هايسبني
و مين عليا يقدر طول ما هو معايا؟؟
ده هو فداني و اختارني و حاببني
و هو خيري و شبعي و سر غنايا
انا هاكمل في طريقه لانه الحق
و هاقول كل الشر كفاية و لأ
هاعيش في تقوى و ارضيه ف كل حياتي
و مش هاممني اللي عليا اتكلم و نأ
صمويل طلعت فكري
تعليقات
إرسال تعليق
شاركني تعليقك و رأيك فيما قرأت , رأيك مهم جدا I need your Comment!