الناس فاضية و بتنم
و كلامهم زي السم
و القعدة مابتتلم
كلها كلام ع الناس
الناس ماليانة غيرة
مش عارف .جابولي حيرة
دي بجد عيشة مريرة
ماعندهمش احساس
الناس حسودة و شرسة
كلامهم كله سلبي
تعبت منهم جدا
و تعبولي فكري و قلبي
مافيش شكر على جميل
مش لازم بس سيبوني
سيبوني ف حالي يا ناس
طب ليه بتحطموني
مش فارقة معايا الشكر
ولا التعظيم و الذكر
ولا حتى "ربنا يباركك""
و لا حتى انت ف الفكر
ياناس خليكو امناء
كفاية خصام و نفاق
يا ناس خليكو حكماء
و حاسبوا ف الكلام
ياناس كفاية أر
كفاية غضب و شر
كفاية نميمة دي موضة قديمة
كفاية عداوة .ده الحال مر
عايزين نحب بعض
ونسامح و نقبل بعض
و زي ماربنا علمنا
نصلي و ندعي لبعض
عايزين نعيش واضحين
ناجحين و متعاونين
و فكرنا فكر واحد
و دايما ايجابيين
كفاية بقى
انا مازعلتش منكم
بالعكس ده انا حبتكم
و الله وحده يغيركم
في كلامكم و في سلوككم
صمويل طلعت فكري
تعليقات
إرسال تعليق
شاركني تعليقك و رأيك فيما قرأت , رأيك مهم جدا I need your Comment!