واحد/واحدة بعتلي على موقع #صراحة بيقول رأيه فيا انهردة و وصفني اني "مريض نفسي" اولاً باشكره عشان المشاركة وتعبه، ثانياً عايز اقوله ان كل الناس في العالم عندهم نسبة ومقدار من التعب/العجز النفسي ثالثاً نفسي اوضحله ان وصف حد انه مريض نفسي ده مش تُهمة او جريمة او فضيحة نسخر بيها على الناس ونقلل احترامنا ليهم رابعا ياريت يشاركني بده وجهاً لوجه ويقولي اللي فيا وانا مستعد لطلب المساعدة والبحث عن حل وعلاج خامساً انا مش زعلان ولا متفاجيء باراء الناس وصراحتهم حتى لو سلبية سادساً المريض النفسي ده ملوش ذنب في اللي حصله بالكامل، مرض ليه عوامل بيئية و وراثية مسببة ليه سابعا احيانا للاسف الناس بتعتبر العمق والنقد والبحث والاراء المختلفة عنهم والافكار اللي خارج الصندوق مرضى نفسيين ومجانين وساعتها لو ده قصدك فباشكرك على التهمة دي شرف ليا اني اكون مجنون بالحب والحياة والحقيقة شكرا بصراحة!
طبيب نفسي ومشير يفكّر في الله، الحياة، والإنسان. Twitter: @samfikry