Sam Fikry's Blog :: مدونة سام

هو اله المستحيلات -- هو صاحب اعظم قوات -- بينجينا و بيقوينا -- و بيجاوبنا ف الصلوات -- هو حي كل أوان -- قادر يشفي حتى الأن -- مش خايفين ده احنا معاه -- هو خالقنا و المنان -- و مشيئته فوق كل اعتبار -- قدير و امين طول المشوار -- و بيهدم كل صعاب و اسوار -- و بيحمينا م الاخطار

لحد امتى هاعيش اتنين باضحك على غيري بالوشين في كنيستي بعيش أمين و ف العالم و بيتي لشهواتي سجين الناس شايفاني مسرور فرحان لكني من جوة عايش ف أنين بامثل على غيري اني قديس لكني مأسور و ضال و حزين متدين و فاكر الحل ف تقاليدي لكني تعيس و بعيد مسكين من برة الناس شايفة حلاوة الروح ولكن من جوة مايشوفه عينين فاتر و مش عايز أتغير فاكر اني احسن م ناس وحشين زي ماالناس بتعبدك أنا بعبد و باوعظ كمان و الكل شاهدين حلمي أكون انسان محبوب و الناس لأعمالي الصالحة شايفين لكن ياحسرتي ع حياتي السرية ف وضع سيء و شر مهين ضايع و باعصي كلامك و رافضك ولا في أمل ف باقي السنين عبد لسيد اسمه ابليس ماشي زي م الأشرار ماشيين ف صراع و خوف ع المستقبل ف شك و قلق و مافيش يقين سامحني يا ربي انا عاندتك رفضتك و بعدت عنك و اهنتك راجعلك توبني و ارحمني ده انا كذبت ع الناس و انكرتك م الليلة هابقى ابن حقيقي ليك و هامجد اسمك و اعليك و هاعيش احبك و ارضيك ده فدائي و غفراني تم فيك صمويل طلعت فكري

لأنك انت يارب صالح و غفور , و كثير الرحمة لكل الداعين اليك - مز 86 : 5

كفاية عداوة كفاية خصام كفاية نميمة كفاية كلام بلاش حسد بلاش الام عايزين نعيش كلنا في سلام الدنيا فانية و مافيهاش امتاع مافيش غير ف يسوع اشباع شايفين بعيونا عالم ف صراع شايفين ناس عطاش و جياع مش حاجة فاضية هاتفرقنا مش هانستسلم لأي تطرف هانعيش ف محبة و احترام هانعيش قدوة ف كل تصرف هانحب غيرنا و نقبل الأخر مايفرقش معانا جنس أو لون هانتمثل بالهنا اللي كان وديع و مافيش بينا سيوف و سنون يسوع علمنا نكون امثاله في الحكمة و في التواضع كمان و هو حارسنا و سلامه لينا و لو شابهناه هانعيش ف أمان كفاية حقد و كفاية شتيمة كفاية ادمان و عادات قديمة خلينا نتمثل بيسوع فادينا و مانهينش غيرنا اهانة أليمة علمنا نحب و طننا كمان و نحب رئيسنا و كل سلطان و نصلي لأجل كل انسان و مانعيش نستسلم للعيان يارب ساعدنا نكون كاملين و لصوتك الواضح نكون خاضعين و ف طريقك السامي نكون ماشيين و احنا ف ايديك علطول امنين صمويل طلعت فكري

ليه باكون مكشر ليه انا زعلان ليه خايف متحير وكمان قلقان ليه عايش بادور على حب و حنان و ربي مات لأجلي و ريح كل الكيان مات و اداني حياة ده هو فلك نجاة و وراني الطريق و فداني بدماه و معايا ف كل ضيق و معيشني ف غناه سامع كل همسي و طلباتي ف الصلاة قام قام ربي الأرباب قام ومعاه بتزول الصعاب و باسلمه كل هموم و اتعاب و بيصلح كل دمار و خراب قام المسيح و اداني سلام قام و حقق الأحلام غلب الموت و حقا قام نور قلبي م كل ظلام قام و اعطاني الانتصار و فى صليبه الافتخار و بيميزني عن الأشرار و باركني و اعلنلي أسرار قام و صعد للأمجاد و هايجيني قريب ف الميعاد نفسي اعيشله برجولة و جهاد و اشهد عنه لكل الأفراد قام قام ربي قام و قريب مني و ف ضيقي هو جنبي و ما بيتخلى عني صمويل طلعت فكري dr_samuelsoft@hotmail.com sasatatafofo@yahoo.com