لو اذيت جسدك او حد اتعدى حقوقك واذاك: هحكيلك قصة خيالية بسيطة تشجعك لو دي حالتك وظي من قصص ناس شافت واختبرت شفا وتعافي واسترداد وتعويض حقيقي بعد ما حصلهم اذى او اعتداء او غلطوا زمان مع حد وهتبينلك ايه اللي ربنا يقدر يعمله معاك بنعمته ورحمته، زي اب وانت ابنه وابوك جابلك لعبة حلوة بس عشان انت صغير مفهمتش ومتعلمتش تستخدمها ازاي فحاولت تستخدمها من غير ماتفهمها او تعرف بتستخدم ازاي وفي ايه فباظت وقعدت تعيط وزعلت عليها وحاولت تصلحها ومعرفتش، فجه ابوك وحس بيك وشاف اللعبة بعد ما باظت وعاتبك وقالك كنت سألتني وطلبت تفهم هي بتستخدم في ايه وانا كنت هقولك بس انت كبرت وفهمت واتعلمت دلوقتي وطلبت تتعلم ازاي تستخدمها وتستمتع بيها وانا عشان كدة هاديك واحدة جديدة بكتالوج تتعلم منه استخدامها وتستمتع بيها وتحافظ عليها وتراعي قوانينها وارشاداتها..خلصت القصة! هي دي النعمة..فضل مجاني بدون استحقاق لحد محتاج ومايستحقش ومايستهلش غير العقاب لكن ربنا انعم عليه وكمان رحمه والرحمة عفو عن استحقاق وده بفضل نعمة ومحبة ربنا اللي عايز يخلقنا من جديد ويسترد اللي فسد وبطل ويعوضنا عن كل اللي ضاع وباظ ويرجعنا لصورتنا ا...
طبيب نفسي ومشير يفكّر في الله، الحياة، والإنسان. Twitter: @samfikry